قديما قالو

سيتعجب الكثير من عنوان الموضوع ولكنها هى الحقيقه فقديما كان الكل يقول الضرائب العقاريه صراف والباقى لا يفعل اى شيئ والكل كان يقول ان مأمور الضرائب كانت مهمته الرئيسيه هى البحث المستمر عن الصراف يوم التوريد حتى ياخذ منه اليوميه والحافظه وبعدين يروح البيت وينام للتوريده اللى بعدها نعم كان هذا يحدث ولكن ليس مع الكل ولكن مع البعض فقط اما الان فحدث ولا حرج المامور يقوم بالأتى :- حصر وتقدير فى الشارع كتابة الدفتر فى البيت كتابة الاخطارات وتوزيع الاخطارات وعمل المعاينات والشكاوى وحصر المستجدات ومتابعة التحصيل وعمل التسويات اللازمه للقانون 196 وكاتب الربط بيقولك المامور لازم يعمل الا ستكشاف ماهوه فاضى ما بيعملش حاجه ويكتب استماره 130 ودفاتر 24 و 32 و 34 ووووووووووووووو الى مالا نهايه وبعدين للاسف احنا اللى عودناهم على كده لان كان فيه ناس ولا زالت مش فارقه معاها اى حاجه ومكبرين دماغعهم على الاخر وملهامش فى الشغل من اصله ولكن هذا ياتى بالعكس على الموظف اللى شغال وربنا يسترها ونطلع من القانون ده على خير

استاذ وائل كم انا سعيد بهذا الموضوع الرائع بحق وبجد انا اليوم السبت باكتب الاخطارات وانشاء الله تعالى غدا الاحد اوزع الاخطارات التى يمكن توزيعها وحتى الجمعه شغال كتابه وباتابع التحصيل وغيرى بيكتب فى الرفع المطلوب رفعه من ربط السنه ونصف وكل ده شغل زياده لعيوب القانون والتى ظهرت بعد اخذ قرارات غلط مش عارف اقول ايه ورغم كل هذا وعندنا ناس شغاله فى الوظيفه الجديده اسمها عندى صاحب الريس وعند ناس تانيه منشات للريس
ياترى عندكم برضه الوظيفه دى

استاذ سعيد لك منى كل تحيه واحترام وتقدير ونعم عندنا ايضا نفس الوظائف وزياده عليها ان احنا معانا ناس شغاله شغل تانى وبتفتكر الضرائب العقاريه يوم القبض بس وتليفونه دايما مشغول بالسؤال عن شغله الخاص ولو ممول يساله عن حاجه فى الضرائب العقاريه يقوله اسال فلان معلش انا مش فاضى او ثوانى وهجيلك وبعدين يدارى فى اى مكان لحد اليوم ما يعدى وبعدين يبقى ربنا يفرجها وربنا بسترها اللهم امين

هذا يحدث فى كل مكان وفيه موظفين انت لاتعرفهم معك الا اذا كنت ماسك القبض او شئون العاملين ومعاك دفتر الحضور والانصراف
بجد الناس الشغاله ممكن يجيلها احباط وتفعل مايفعلونه