عتاب صغير

لكل زميل فرحان بزيادة بدل الانتقال 100 جنيه مرة واحدة
طبعا ليك حق تفرح لان عيشتك سودا و منيلة بستين نيلة ...
لكن مش من حقك تفرح من غير ما تعرف ليه دلوقتي بالذات قرر الوزير صرفها و هي اقل طلب من طلبات العاملين و خصوصا بعد تصريحاته المباشرة لنا باننا نخبط راسنا في الحيط ...
اللي حصل سعادتك انت و هو ان الوزير عرف ان لينا صوت و ممكن نوصله و ان المصلحة فيها بعض العاملين صوتهم عالي في الحق ... و بالعربي كده رمالكم عضمة علشان يستفرد بيهم و لو اتوحدتم خلف بعض و خفتم علي بعض و بقت كلمتكم واحدة هتعرفوا الفرق اما لو استكفيتوا بال 100 جنيه يبقي عليه العوض و منه العوض في المصلحة ... و ابقوا عيطوا بعد كده من غير صوت
يا تري امتي هنبقي رجالة ونتحد مع بعض ونكون يد واحده وبلاش التفرقه
مطالبنا ليست فئوية ... مطالبنا تطوير و بناء وطن و شفافية
تطوير مصلحة الضرائب العقاريه

والله يا استاذ احمد اتمنى ان نكون جميعا يدا واحده ونقابه واحده ولا فرق بين هذا وذاك
وكل جماعه تقول ان السبب فى اى مكسب واذا انقسمنا الى فريقين سوف نخسر الكثير
شكرا على موضوعك الرائع

شكرا جزيلا استاذ سعيد وحضرتك الوحيد اللى فهمت وجهت نظرى او انا اقصد ايه اما التعليقات الاخرى اغلبهم بيسألو فقط عن اين الزياده اللى بقول عنها ومحدش عرف المغزى من المنشور او ماذا اقصد